Польшаның азық-түлік өнімдері – керемет сапа және дәм

Польша ЕО-да азық-түлік өнімдерінің жетекші өндірушісі және экспорттаушысы болып табылады. Соңғы 20 жылда польшалық агроазық-түлік тауарлары экспортының құны он есеге жуық өсті және 2023 жылы 51,8 мрлрд еуроға жетті. Бұл 2022 жылмен салыстырғанда 8,1% - ға және 2021 жылмен салыстырғанда 37,8% - ға артық.
Қолайлы географиялық және табиғи жағдайлар, сондай-ақ ауыл шаруашылығы мен қайта өңдеу секторының қарқынды дамуы польшалық агроазық-түлік тауарларының ұсынысын бай, алуан түрлі және баға бойынша бәсекеге қабілетті етеді.

Польшалық экспорттың хиттері - ет өнімдері, дәнді дақылдар және оларды қайта өңдеу өнімдері, сондай-ақ сүт өнімдері болып табылады, олардың үлесін Польшаның агроазық-түлік экспортының шамамен 40%-ы құрайды. Сонымен қатар, поляк өндірушілері керемет балық өнімдерін, жемістер мен көкөністерді, олардың консервілерін, мұздатылған өнімдерді, сусындар мен тәттілерді, бұған қоса нәрестелер мен балаларға арналған тамаша тағам өнімдерін ұсынады. Органикалық түрде өсірілген шикізаттан жасалған өнімдердің ассортименті белсенді дамып келеді. Мұнымен бірге, дайын тағамдардың, тез дайындалатын өнімдердің, жартылай дайындалған фабрикаттардың, қоспалар мен дәмдеуіштердің польшалық ұсынысын атап өткен жөн.

Польшалық жемістердің арасында сөзсіз көшбасшылар алмалар болып табылады. Мінсіз табиғи жағдайлардың және көпжылдық бақша дәстүрлерінің арқасында Польша осы жемістердің жетекші әлемдік өндірушісі мен экспорттаушысы болып табылады.
Польшада алма бақшаларының ауданы 152 мың гектарды құрайды, бұл оны Еуропадағы ең ірі бақшаға айналдырады. Алма өндірісінің жыл сайынғы көлемі 4 млн-нан 5 млн тоннаға дейін өзгеріп отырады.
Польша алмалары шырындылығы, қаныққан дәмі мен қытырлақтығы үшін бағаланатын, көптеген әр түрлі сорттармен ұсынылған. Тұрақты ауылшаруашылық тәжірибелері мен қатаң стандарттар олардың жоғары сапасына кепілдік береді. 2023 жылы бұл жемістер 77 елге экспортталды, ал Еуропалық Одақтан тыс ірі тұтынушылар Египет пен Қазақстан болды.
Польша алмалары жергілікті өндірушілердің ассортиментіне тамаша қосымша болып табылады.

Мұздатылған жемістер мен көкөністер

Польша мұздатылған жемістер мен көкөністердің әлемдегі жетекші өндірушілері мен экспорттаушылардың бірі болып табылады. 2023 жылы экспорттың жалпы құны 1 миллиард еуродан асты. Поляк өндірушілерінің ассортиментінде мұздатылған көкөністер мен жемістердің, сондай-ақ дайын тағамдардың кең таңдауы бар. Жоғары сапалы және тиісті логистикалық шешімдердің арқасында польшалық мұздатылған өнімдердің дәмі әлемнің көптеген елдерінде бағаланады

Польша шоколад пен кондитерлік өнімдердің өндірісі мен экспортында әлемдік көшбасшы болып табылады.

Табиғи ингредиенттер, жоғары сапа және керемет дәмінің сипаттамалары — олардың табысының құпиялары осы. 2023 жылы польшалық кондитерлік өнімдердің экспортының құны 3,12 млрд еуроны құрады. Польша өндірушілері классикалық шоколадты тәттілерді ұсынады: шоколад, шоколадты кәмпиттер, шоколад қосылған жемістер мен жаңғақтар, сондай-ақ батончиктер. Сонымен қатар, вегандық және қолөнерлік шоколад өнімдері маңызды мәнге ие болуда. Өз кезегінде шоколад қосылмаған тәттілерді атап өткен жөн — дәмді желе, мармелад, драже және мұз кәмпиттер.

Дәнді және нан-тоқаш өнімдері

Қолайлы жазық жағдайлар өсімдік шаруашылығының дамуына ықпал етеді. Польша ЕО-да дәнді дақылдар мен олардың өңделген өнімдерінің жетекші өндірушісі болып табылады: ұн, қауыз, жарма, макарон, нан және нан-тоқаш өнімдері. Дәстүрлі польшалық нан өзінің дәмімен, құрылымымен, қытырлақ қабығымен және хош иісімен бүкіл әлемге танымал.
Поляк өндірушілерінің ассортиментіне дәстүрлі нан кіреді: бидай, қара бидай, арпа және сұлы наны, сондай-ақ арнайы талаптары бар тұтынушыларға арналған диеталық тағамдар (мысалы, глютенсіз, қытырлақ нан).

Сүт өнімдері

Польшада сүт мал шаруашылығы үшін өте жақсы жағдайлар жасалған. Шағын табындар мен табиғи жемдер сүт пен оның өнімдерінің керемет дәмі мен тағамдық құндылығына кепілдік береді. 2022 жылы Польшада сүт өндірісі 15,2 млн тоннаны құрады, оның 4,8 млн тоннасы экспортталды.
Польшада жасалған танымал сүт өнімдерінің қатарына ірімшіктер мен сүзбе, сүт пен кілегей, май және ашытылған сүт сусындары жатады. Польшалық қайта өңдеуде және экспортта құрғақ өнімдер маңызды орын алады: құрғақ сүт, сарысу және казеин.

Ет өнімдері

Польша — ЕО-дағы ет өнімінің жетекші өндірушісі және экспорттаушысы: құс еті, сиыр еті және шошқа еті. Заманауи және тұрақты өсіру әдістерінің, жануарлардың әл-ауқатына қамқорлық жасаудың және өндіріс процесінің келесі кезеңдерінде мұқият көзқарастың арқасында Польша өнімдері қоректік заттарға бай және диеталық құндылығы жоғары болып келеді.

Етті өндіру мен қайта өңдеу кезінде ұлттық сапа жүйелері қосымша пайдаланылады, олардың талаптары ЕО қатаң стандарттарынан асады.

Оларға шошқа еті мен құс етіне арналған Quality Assurance of Food Products (QAFP) жүйесі, ал сиыр етіне арналған Quality Meat Programme (QMP) жүйесі жатады. Осы жүйелердің шеңберінде өсіруден бастап соңғы өнімге дейін – өндірістің барлық кезеңдері сертификатталады.
Бұл ұсыныс премиум-класты өнімді іздейтін, ең талапшыл сатып алушыларға арналған.

Органикалық өнімдер мен суперфудтар

Ет өнімдерінен бастап кондитерлік өнімдерге дейін – тамақтанудың барлық салаларында кездесетін органикалық өнімдердің кең ассортименті ерекше назар аударуға тұрарлық. Ұсынылған барлық өнімдер қатаң стандарттарға сәйкес келеді және ЕО талаптарына сәйкес сертификатталған.

 Жидектер (мысалы, арония), жарма және ферменттелген тағамдар сияқты, қоректік заттарға бай «суперфуд» санатындағы тағамдарды да атап өткен жөн. Поляк өндірушілерінің ассортиментінде ағзаның денсаулығына оң әсер ететін микроэлементтермен және дәрумендермен байытылған көптеген функционалды тағам өнімдері бар.

Ең жоғары сапа стандарттары

Польшалық тағам өнімдері Еуропалық Одақтың қатаң сапа талаптарына сәйкес келеді. Өндіріс және қайта өңдеу процесінде қатаң стандарттар қолданылады: HACCP, ISO 22000, GMP (Тиісті өндірістік практика) және GHP (Тиісті гигиеналық практика).
Қазақстан Орталық Азияда Польшаның ең ірі сауда әріптесі болып табылады. 2023 жылы поляк агроазық-түлік экспортының құны 103,4 миллион еуроны құрады, бұл өткен жылмен салыстырғанда 23% - ға артық.
Біз польшалық әріптестермен сауда байланыстарын орнатуға және нығайтуға шақырамыз.

FOODEXPO QAZAQSTAN 2024 көрмесінде польшалық өнімдерді ашып көріңіз
2024 жылғы 13 қарашадан 15 қараша аралығында Алматы қаласында («Атакент» көрме орталығы, 11-павильон, 11-340 стенд) өтетін, FOODEXPO QAZAQSTAN 2024 көрмесінде Польшаның «Poland tastes good» ұлттық стендін көруге келуді шақырамыз.